Boniswa Mohale

Bathi abayi ndawo abahlali basemjondolo

Submitted by Abahlali_3 on Thu, 2011-10-20 14:02. Boniswa Mohale | eMmaus | Isolezwe | Pinetown | Zulu

http://www.iol.co.za/isolezwe/bathi-abayi-ndawo-abahlali-basemjondolo-1.1161345

Bathi abayi ndawo abahlali basemjondolo

October 20 2011 at 01:32pm

BONISWA MOHALE

Bebedinwe begane unwabu abahlali basemijondolo yase-Emmaus, eWestmead, ngasePinetown izolo bemashela inkampani efuna basuke endaweni abakhe kuyo.

March on the Mahogany Ridge 2 Property Owners Association and in Defence of the eMmause Land Occupation, eMmause, Pinetown 19 October 2011

» read more | add new comment

Isolezwe: ‘Sizokwenza iTheku lingalawuleki’

Submitted by Abahlali_3 on Sat, 2011-10-15 14:02. Boniswa Mohale | Isolezwe | James Nxumalo | Zulu

http://www.iol.co.za/isolezwe/sizokwenza-itheku-lingalawuleki-1.1155635

‘Sizokwenza iTheku lingalawuleki’

October 12 2011 at 11:10am
By BONISWA MOHALE

AMALUNGU enhlangano Abahlali baseMjondolo oMzwakhe Mdlalose, Lindela Figlan, Sbu Zikode, Mazwi Nzimande, Zandile Nsibande noBandile Mdlalose Isithombe: SITHUNYELWE

ABAHLALI baseMjondolo sebesabise ngokuthi bazokwenza iTheku lingalawuleki emuva kokuba iMeya, uMnuz James Nxumalo, ehoxise umhlangano obekumele abe nawo nobuholi bale nhlangano.

» read more | add new comment

Isolezwe: Banqumele uZuma ugwayi katiki abahlala emijondolo

http://www.isolezwe.co.za/index.php?fArticleId=5400216

Banqumele uZuma ugwayi katiki abahlala emijondolo

March 23, 2010 Edition 1

Boniswa Mohale

ISIFUNA kungenelele uMengameli wezwe odabeni lokungahlinzekwa kwezidingongqangi kubantu basemjondolo inhlangano yabahlali basemjondolo.

Izolo amakhulu ngamakhulu amalungu ale nhlangano amise ukuhamba kwezimoto enkabeni yeTheku emashela ukuthi awahlinzekwa ngezidingo ezifana namanzi, ugesi nezindlu. Athe asekhathele ukukhuluma nobuholi bedolobha nobesifundazwe njengoba izikhalo zabo zingalalelwa.

Isolezwe: Bakhala ngesihluku abahlala emjondolo

Submitted by Abahlali_3 on Sat, 2011-08-20 10:26. Boniswa Mohale | Isolezwe | Kennedy Road | ugesi | Zulu

http://www.iol.co.za/isolezwe/bakhala-ngesihluku-abahlala-emjondolo-1.1113754

Bakhala ngesihluku abahlala emjondolo

BABHOKA bayakhahlela abahlali basemjondolo ekuKennedy Road njengoba besola uMasipala weTheku ngokubahlukumeza uma uzokhipha izintambo zikagesi ezixhunywe ngokungemthetho.

Laba bahlali bathi ngeke bayeke ukuxhuma ugesi ngokungemthetho ngoba yiphutha likaMasipala elenza bagcine sebewuntshontsha kwazise akafuni ukubafakela.

NgoMgqibelo kulimale abafana ababili uMlamuli Bongo (16) noLindani Dube (17) abanye badubuleka ngesikhathi onogada bakaMasipala weTheku beyogqashula izintambo ezixhunywe ngokungemthetho.

» read more | add new comment

Isolezwe: Bakhale ngotshwala kusha imijondolo

http://www.isolezwe.co.za/index.php?fArticleId=5672285

Bakhale ngotshwala kusha imijondolo

October 04, 2010 Edition 1

Boniswa Mohale

BAKHALA ngophuzo oludakayo abahlali basemijondolo ekuQuarry Road eThekwini kulandela ukuthi owesilisa okusolwa ukuthi ubedakiwe eshiye ikhandlela livutha lacekela phansi imijondolo engaphezu kuka-200 kwafa abantu ababili.

Ngokusho kukaMnuz Robert Mzobe (62), osekomidini elibhekele ezokuphepha kule mijondolo ngabe lo mlilo awuzange ube khona ukube owesilisa ohlala lapha akashiyanga ikhandlela livutha ngesikhathi eya esipotini.

» read more | add new comment

Isolezwe: Inhlangano ikhala ngesimo emijondolo

Submitted by Abahlali_3 on Wed, 2009-12-23 15:39. Amnesty International | Boniswa Mohale | Isolezwe | The Attack on AbM in Kennedy Road | Zulu

http://www.isolezwe.co.za/index.php?fArticleId=5293236

Inhlangano ikhala ngesimo emijondolo

December 21, 2009 Edition 1

Boniswa Mohale

INHLANGANO ebhekele ukuthula emhlabeni i-Amnesty International isikhiphe isitatimende lapho ithi iNingizimu Afrika yehlulekile ukuphenya ngezenzo zokuhlukunyezwa kwamalungelo abantu emijondolo ekuKennedy Road eClaire Estate, eThekwini.

Le nhlangano, amaphoyisa nethimba elalijutshwe ukwenza uphenyo ngokuhlukunye-zwa kwamalungelo abantu baphenya ngesigameko sakamuva sokubulawa kwabantu ababili kuleya ndawo.

Le nhlangano ithi labo abebeseqhulwini lophenyo bathi indlela obekusinge-thwe ngayo uphenyo ibinokwenzelela kungabhekwa zonke izinhlangothi.

» read more | add new comment

Isolezwe: Bazitapele ezitolo bekhala ngendlala

http://www.isolezwe.co.za/index.php?fArticleId=5095504

Bazitapele ezitolo bekhala ngendlala

July 23, 2009 Edition 1

BONISWA MOHALEnoCELANI SIKHAKHANE

KUQUBUKE igidigidi enkabeni yedolobha iTheku izolo ngesikhathi iqulu labantu, elizibiza ngabantu abangasebenzi, ligasela ezitolo ezinkulu zokudla lizitapela ukudla okubizayo kanti abanye bebezitika ngakho khona ngaphakathi.

Laba bantu iningi labo obekungabesifazane bathi bangamalungu enhlangano, i-Unemployed Peoples Movement of South Africa.

Izitolo ezehlelwe yilo mshophi kubalwa uShoprite oseBerea Centre, uShoprite okuWest Street noPick 'n Pay eWorkshop.

» read more | add new comment

Isolezwe: Baswele indawo yokukhosela abashelwe yimizi

Submitted by Abahlali_3 on Tue, 2008-12-23 12:31. Boniswa Mohale | fire | Isolezwe | Kennedy Road

http://www.isolezwe.co.za/index.php?fArticleId=4772103

Baswele indawo yokukhosela abashelwe yimizi

December 23, 2008 Edition 1

Boniswa Mohale

MANCANE amathemba okuthi uKhisimusi uzofika abantu basemijondolo ekuKennedy Road, eThekwini, sebenezindlu zokukhosela njengoba beshelwe ngamakhaya abo ngeSonto ekuseni, njengoba kuze kube yimanje abaka-lutholi usizo kuMasipala weTheku.

Laba bantu abalinganiselwa ku-200 okumanje abanamakhaya njengoba ecekelwe phansi wumlilo, bakhala ngekhansela lendawo abathi alikaxhumani nabo ukuzobheka isimo abahleli ngaphansi kwaso, futhi nabophiko lukaMasipala lwezinhlekelele nabo bebengakaze bafike.

» read more | add new comment

Isolezwe: Bazowudlela ehlane uKhisimusi

Submitted by Abahlali_3 on Mon, 2008-12-22 12:36. Boniswa Mohale | fire | Isolezwe | Kennedy Road | Zulu

http://www.isolezwe.co.za/index.php?fArticleId=4771129

Bazowudlela ehlane uKhisimusi

December 22, 2008 Edition 1

Boniswa Mohale

BANGASE badlele uKhisimusi emakhazeni abahlali bakuKennedy Road, eThekwini, ngemuva komlilo oshiye dengwane imindeni ewu-20 entathakusa yayizolo.

Lesi sigameko sokusha kwemijondolo kule ndawo ngesesishiyagalombili kulo nyaka kanti okhulumela inhlangano yabahlali basemijondolo, uMnuz Sbu Zikode, uthe kushe imijondolo elinganiselwa ku-30.

Uqhube wathi inkinga kule mijondolo wukuthi izidingongqangi ezifana namanzi nogesi kukude nabantu bese kuba khona abazixhumela ugesi ngokungemthetho.

» read more | add new comment